Buyuk Britaniyada istiqomat qiluvchi 28 yoshli Keyli Konvey 2015 yilning martida sochlarini shampunda yuvishni to‘xtatdi. U o‘tgan vaqt davomida faqat tabiiy vositalar bilan soch yuvib kelgan. U bunda uksus va tuproqdan foydalangan.
Konvey xonimning aytishicha, bu orqali uning sochidagi yog‘lashish normallashgan va endi u sochini 4 kunda bir marta yuvishi ham kifoya qiladi. U o‘zining tajribasi natijasidan qoniqqan va odatdagi vositalarga qaytmoqchi emas.
"Mening sochlarim avval hozirgidek sog‘lom va ipakdek muloyim bo‘lmagan. Endi sochlarim to‘kilmayapti va yorqinroq jilolanmoqda", deydi uning o‘zi.
