Pokiston maxsus kuchlari “al-Qoida” va “Lashkari Jangviy”ning 97 a'zosini qo‘lga oldi, deb xabar beradi Reuters agentligi.
Jangarilar Karachi shahrida qo‘lga olindi. Terrorchilar 2002 yili amerikalik jurnalist Deniel Perl qatli tashkilotchisi Xolid Umar Shayxni qamoqdan qochirishga hozirlik ko‘rayotgan edi.
Hibsga olinganlarning katta qismi Pokistondagi harbiy va politsiya obektlariga uyushtirilgan hujumlarda aybdordir. Ulardan uch nafari guruh rahbarlari sifatida ko‘rilmoqda.
