Venesuelada Argentinaning "Urakan" jamoasi futbolchilari ketayotgan avtobus to‘ntarilib ketdi. 10 fevralda "Klarin" gazetasining ma'lum qilishicha, jamoaning ikki sportchisi va murabbiyi shifoxonaga jarohatlar bilan yetkazilgan.

Jamoa shifokorining ta'kidlashicha, ularning hayoti xavf ostida emas. Dastlabki ma'lumotlarga ko‘ra, avtohalokatga nosoz tormoz sabab bo‘lgan bo‘lishi mumkin. Yo‘l-transport hodisasi tufayli sportchilarning vatanlariga qaytishlari ma'lum muddatga qoldirildi.

"Urakan" Venesuelaning "Karakas" jamoasi bilan uchrashuvdan keyin Argentinaga qaytayotgan bo‘lgan. Uchrashuv venesuelaliklar foydasiga 2:1 hisobi bilan yakunlangan.