Toshkent shahrining Mirobod tumanida qurilgan yangi Politexnika muzeyida "Android kuni - insonga o‘xshash ilk robot" nomli texnik ko‘rgazma o‘tkaziladi. Bu haqda muzeyning feysbukdagi rasmiy sahifasida ma'lum qilingan.
Tashkilotchilar haqiqiy shou va'da qilishmoqda. Ushbu marosim 24 fevral kuni dunyodagi ilk insonga o‘xshash robotni yaratgan olim Jak de Vokansonning tavallud kuni munosabati bilan tashkil etiladi.
Robotlar ko‘rgazmasi va "Robotlarning yulduzli jangi" shousi tadbirning asosiy qismi bo‘lishi rejalashtirilgan. Marosimda ishtirok etuvchilarning murojaatlari 17 fevral kuniga qadar qabul qilinishi belgilangan.
