Fransiyaning yaqinda lavozimini tark etishi va Konstitutsion sudga ishga o‘tishi ma'lum bo‘lgan tashqi ishlar vaziri Loran Fabius AQShning Suriya bo‘yicha siyosatini tanqid ostiga oldi.

“Koalitsiya ishtirokchilarining harakatlarida noaniqlik kuzatmoqdaman, - uning so‘zlarini keltiradi Reuters agentligi. – So‘zlar ham bor, ammo harakat – boshqa narsa”.

Fabiusning fikricha, Vashingtonning harakatlari ko‘p jihatdan yaqinlashayotgan prezidentlik saylovlariga bog‘liqdir.

“Barak Obama mandatining tugashi uni davlat kotibi aytganichalik qat'iy harakat qilishga undayotganiga ishonchim komil emas”, - ta'kidladi amaldor.