The Walt Disney mediakorporatsiyasining hisobotiga ko‘ra, uning Studio Entertainment bo‘limining operatsion daromadi "Yulduzlar janglari"ning yangi 7-qismi namoyishlari evaziga 86 foizga, ya'ni 1 mlrd dollargacha oshdi, deb xabar bermoqda RNS nashri.
Disney joriy yilning 1-choragi uchun rekord darajadagi 2,88 mlrd dollar sof foyda olganini ma'lum qildi. 2015 yilda bu ko‘rsatkich 2,18 mlrd dollarni tashkil qilgan. Daromadning o‘sishi 32 foizni tashkil qildi. Kinostudiyaning 1-chorakdagi umumiy tushumi 15,2 mlrd dollarni tashkil qilgandi.
"Yulduzlar janglari"ning ajoyib ko‘rsatkichlari evaziga bizning kompaniyamiz o‘z tarixida rekord darajadagi choraklik foyda oldi hamda ketma-ket 10 chorakdan beri aksiyalariga daromadlarining ikki raqamli ko‘rinishdagi o‘sishiga erishdi", deb aytdi kinostudiya prezidenti va bosh direktori Robert Ayger.
2015 yilning 16 dekabrida ekranlarga chiqqan film bir nechta rekordlarni o‘rnatishga muvaffaq bo‘ldi. 21 dekarbda film ekranlarga chiqishining 1-uik-endida jahon prokatida Xitoyni hisobga olmaganda rekord darajadagi 528 mln dollar yig‘di.
27 dekabrda film kassa yig‘imlari tezligi bo‘yicha rekord o‘rnatdi: film 12 kun davomida 1 mlrd dollar yig‘ishga muvaffaq bo‘ldi. 6 yanvarda film Shimoliy Amerikadagi kassa yig‘imlari bo‘yicha "Avatar"ga tegishli bo‘lgan rekordni yangiladi.
Filmning jahon bo‘yicha kassa yig‘imi 2 mlrd dollardan oshib ketdi. Film hozircha eng kassabop filmlar uchtaligiga kirdi. Uni hozircha Jyeyms Kemeronning "Avatar" va "Titanik" filmlari ortda qoldirmoqda.
Filmning 8-qismi 2017 yilda, 9-qismi esa 2019 yilda chiqariladi.
