9 fevral kuni buyuk mutafakkir shoir Alisher Navoiyning tavallud kuni URadio.uz radiosida o‘ziga xos va mos tarzda nishonlanmoqda. Bu haqda radioning feysbukdagi sahifasida xabar berilgan.
Bugun ertalab soat 9.00dan radio tinglovchilari notiq Rahimboy Jumaniyozov o‘qigan shoir ash'orlaridan tinglashdi. Kunning ikkinchi yarmida, soat 14.00da esa "Studiyamiz mehmoni" eshittirishida "Navoiy nazdida so‘z va nutq" muloqoti boshlanadi.
Shuningdek, hafta davomida har kuni ertalab soat 9.00da Rahimboy Jumaniyozov o‘qigan hazrat Navoiyning ash'orlari "Navoiyxonlik" ruknida berib boriladi.
