Xitoylik aktyor Jyeki Chan egalik qiladigan Baxi DC Racing poyga jamoasi LMP2 sinfiga mansub 24 Heures du Mans marafonida ishtirok etadi. Ekipaj Nissan dvigatellari o‘rnatilgan Alpine A460 sport prototipini boshqaradi.

Ekipaj tarkibidan Xo-Pin Tun va Devin Chen o‘rin olgan. O‘tgan mavsumda jamoa “Le Man”ning Osiyo seriyasida o‘z toifasida g‘oliblikni qo‘lga kiritgan edi.

Chan mazkur marafon bilan aloqador to‘rtinchi Gollivud aktyori sanaladi. Ungacha 1971 yilda Stiv Makkuin “Le-Man” filmida bosh rolni ijro etgan edi. 1979 yilda Pol Nman marafonda ikkinchi o‘rinni qo‘lga kiritgan. 2009 yil va 2013-2015 yillarda Patrik Dempsi marafonda ishtirok etgan.

Eslatib o‘tamiz, yaqindagina aktyorlar Jyeki Chan va Pirs Brosnan ishtirokidagi "Xorijlik" deb nomlangan yangi filmni suratga olish jarayonida Londonning Lambert ko‘prigida avtobus portlatildi. Suratga olish vaqtida ko‘prik yopib qo‘yildi. Portlatish sahnalari ba'zi londonliklarga 2005 yilda Londonda sodir etilgan teraktlarni eslatib yuborgan, o‘shanda teraktlar jamoat transportida ham sodir etilgandi.