Hindistonning janubiy hududida leopard mahalliy maktab binosiga kirib kelgan va besh nafar odamni jarohatlagan. Bu haqda India.com internet-nashri xabar tarqatdi.
«Biz davlat maktabidan leopard binoga kirib kelgani haqida xabar oldik. Uning bo‘sh sinfxonasiga kirgani videokuzatuv xotirasiga yozib qolingan», — deyiladi tabiatni muhofaza qilish idorasi xabarida.
Qayd qilinishicha, yirtqich yakshanba kuni maktabga kirib kelgan. Maktabda o‘quvchilar yo‘qligi bois, jabrlanganlar soni kam bo‘lgani aytilmoqda. Besh nafar jarohat olganlardan biri og‘ir ahvolda shifoxonaga yotqizilgan.
Qo‘riqlash xizmati xodimlari kelishgan va yirtqichni tinchlantirib, yaqindagi Bannergxata hayvonot bog‘iga jo‘natishgan.
