Google’ning kartondan ishlangan virtual reallik shlemi Google Cardboard nafaqat qiziq piar-loyiha, balki virtual reallikka cho‘mish uchun "jiddiy" qurilmani ishlab chiqarish oldidan sinov bo‘lganga o‘xshaydi. The Financial Times nashri ma'lumotlariga ko‘ra, Google joriy yilda Samsung Gear VR shlemiga o‘xshash haqiqiy shlemni ishlab chiqaradi.

Ma'lum qilinishicha, gadjyet plastik korpusdan ishlanadi hamda Samsung’ning shlemidan ko‘ra ko‘proq smartfonlarni qo‘llab-quvvatlaydi. Nashr manbalarining ta'kidlashicha, Google’ning VR–shlemi sifatli sensor va linzalar bilan jihozlanadi.

Google Cardboard shlemi 1,5 yil avval namoyish qilingan va o‘zidan plastik linzalarga ega, smartfon o‘rnatiluvchi yig‘iluvchi kartonni namoyon qiladi. Yangi qurilma ham katta darajada smartfonning hisoblash quvvatiga tayanadi.

The Financial Times nashri ma'lumotiga ko‘ra, yangi VR-shlem bahordagi Google I/O anjumanida namoyish qilinishi, sotuvga esa sentabrda chiqarilishi mumkin. Shlem taqdim qilinishi bilan bir vaqtda Android mobil operatsion tizimining virtual reallikni qo‘llab-quvvatlovchi modifikatsiyasi Android VR ham taqdim qilinishi mumkin.