"Manchester Yunayted" va "Real"da o‘zining yulduzli davrlarini o‘tkazgan sobiq futbolchi Ruud van Nistelroy keyingi mavsumda Gollandiyaning PSV jamoasi murabbiylar shtabida ish boshlaydi.

U chempionat yetakchilaridan bo‘lgan bu jamoada yosh hujumchilarni (17-19 yoshlilar) tayyorlovchi va ularning mahoratini o‘stiruvchi murabbiy sifatida ishlaydi.

Qayd etish kerakki, u "Manchester Yunayted"ga kelishidan oldin, 1998-2001 yillar mobaynida aynan PSV jamoasida o‘ynagandi.

Bundan oldin, van Nistelroy Gollandiya terma jamoasida sobiq bosh murabbiy Guus Xiddinkning yordamchisi sifatida ishlagandi.