3 fevral kuni Rossiya poytaxti Moskva shahrida Konfederatsiyalar kubogi-2017 musobaqasining timsolini rasmiy tanishtiruv marosimi bo‘lib o‘tdi.

Mazkur tadbir Konfederatsiyalar kubogi boshlanishiga roppa-rosa 500 kun qolishi munosabati bilan tashkillashtirildi.

FIFA vakili rasmiy timsolni tasdiqlashda Rossiyaning boy madaniy tarixi va folklor an'analari inobatga olinganini ta'kidlab o‘tdi.

Ma'lumot uchun, turnir 2017 yilda Qozon, Moskva, Sochi va Sankt-Peterburg shaharlarida bo‘lib o‘tadi. Musobaqada oltita qit'a chempionlari, mezbon va amaldagi jahon chempioni sifatida Germaniya terma jamoasi qatnashadi.