Londonning «Arsenal» klubi bosh murabbiyi Arsen Venger APLning 24 tur doirasidagi «Sauthempton»ga qarshi uchrashuvdan (0:0) keyin nega jamoa qishki transferlar vaqtida yangi yuqori saviyali futbolchi sotib olmaganini izohlab o‘tdi.
«Eshiting, agar siz qishki transferlar paytida «Arsenal»ga aniq o‘tishi mumkin bo‘lgan top darajadagi hujumchilar haqida ma'lumotga ega bo‘lsangiz, bu haqda nega oldinroq menga aytmadingiz? Bir narsani tushuning, ular ko‘chada yurib: «Iltimos, men bilan shartnoma tuzing», deb so‘rab yurishmaydi. Ularning barchasi ulkan klublarda to‘p surishadi. Ularning barchasida shartnomalar bor.
Bizda esa Jiru, Sanches, O‘zil, Uolkott va safga qaytayotgan Uelbek bor. Shunday ekan, bizda gol urishni biladiganlar mavjud», – deya gapirib o‘tdi Venger.
