27 yanvar kuni Brent markasidagi neft narxi 33 dollardan oshdi. London birjasida ushbu markasidagi neft Toshkent vaqti bilan soat 21:45da 1,31 dollarga (4,12 foiz) oshdi va bir barreli 33,11 dollarga baholandi.

WTI markasidagi neft narxi Nyu-York tovar birjasida (NYMEX) 1,04 dollarga (3,31 foiz) oshgan va bir barreli 32,49 dollarga baholangan.

Avvalroq AQSh energetika vazirligi hisobotida neft zaxirasi mamlakatda so‘nggi 85 yildagi rekord darajaga yetgani ma'lum qilingandi.