2015 yil boshidan Ukraina Yevropadan 10.2 mlrd kub.m tabiiy gaz xarid qildi. Bu haqda “Ukrtransgaz” kompaniyasi matbuot xizmati xabar bermoqda.

Mazkur son o‘tgan yilning shu davriga nisbatan ikki barobar ko‘pdir – 2014 yilda 5.1 mlrd kub.m gaz sotib olingan edi.
Rossiyadan gaz importi ikki barobarga kamayib, 14.1 mlrd kub.m dan 6.1 mlrd kub.m ga tushib ketdi.

1-27 dekabr o‘rtalarida Ukraina Yevropada 370 mln kub.m tabiiy gaz xarid qildi; yil so‘ngiga qadar yana 13 mln kub.m tabiiy gaz import qilish ko‘zda tutilmoqda.