Қўшимча функционаллар
-
Тунги кўриниш
СБУ «Паутина» операциясининг янги кадрларини кўрсатди
Украинанинг «Ўргимчак тўри» операцияси ҳамон ахборот маконидаги асосий воқеа бўлиб турибди. СБУ операциянинг эксклюзив кадрларини намойиш этди. Видеолар Россия стратегик самолётларини йўқ қилган дронлардаги камералардан ёзиб олинган. Қуйида шу ҳақда.

Шинали «зирҳ»
Эсингизда бўлса, 2023 йил Россия стратегик бомбардимончилари усти автомобил шиналари билан қоплангани акс этган суратлар тарқалганди. Шиналар учоқларни дрон ҳужумидан ҳимоя қилиш учун қўйилган. Ўшанда россияликлар шина тез ёнувчан материал экани, уларни самолёт устига қўйиш хавфлилигини танқид қилишганди. Ҳарбий экспертлар дрон металга ҳужум қилиши учун шиналар самолётни ҳужумдан сақлашини айтиб чиққанди. Лекин сақлолмас экан. СБУ эълон қилган деярли барча кадрларда самолётлар усти шина билан қоплангани кўринади.
Афтидан, шиналар ёнилғи баки устига қопланган, лекин баъзи кадрларда украин дронлари самолётларни обдон айланиб очиқ жой қидиргани, ҳатто ёнилғи баки пастига ўтиб, кейин портлатилгани кўринади.
«Шахсан Зеленский назоратида»
СБУ видеога расмий баёнот ҳам илова қилган. Унда айтилишича, операция бориш жараёнини шахсан Володимир Зеленский ва СБУ раҳбари генерал Малюк назорат қилган. Ҳужум давомида Россия стратегик авиациясининг 41 та самолёти портлатилган. СБУга кўра, бу самолётларнинг аксари буткул йўқ қилинган, қолганлари ҳам камида йиллар талаб қилинадиган таъмирталаб ҳолатга келган.
Ҳужум қилинган самолётлар орасида «А-50», «Ту-95», «Ту-22», «Ту-160», «Ан-12» ва «Ил-78» кабилар бор. Баёнотда дронлар сунъий интеллект ва операторлар томонидан бошқарилгани айтилади. Хусусан, алоқа узилиши билан дронлар махсус ишлаб чиқилган дастурга кўра сунъий интеллект бошқарувига ўтган. Нишонга яқинлашганда портловчи қисм автоматик ишга тушган. СБУ ҳужум натижасида Россия армиясига камида 7 миллиард долларлик зарар етказилганига навбатдаги марта урғу берган.
Қизиғи, Россиянинг энг кучли ракеталарини олиб учишга мослашган самолётлар етарлича қўриқланмаган. Баъзи кадрларда самолётлар олдида ҳарбийлар казармасига ўхшаган ерлар кўринади, лекин уларда ҳеч ким йўқ, дронларни ҳеч ким уриб туширишга ҳам уринмаган. Оддий дронлар аэродромлар ичига жуда осон кириб борган. Шунингдек, бу галги кадрларда дронларга ўрнатилган gopro-камералар самолётлар портлашини жуда яқиндан суратга олгани кўринади.
Юк машинасидаги «штаб»
Украин каналларида дронларни Россия ҳудудига олиб кирган юк машинаси қандай ҳаракатни бошлагани акс этган видеолар ҳам пайдо бўлди. Атрофдаги бинолар хиралаштирилганига қараганда бу видеоларни ҳам СБУ сиздирган. Кадрларда юк машинасига мобил уйлар жойлангани аниқ кўринган.
Юк машинаси ҳаракати енгил машинадан туриб видеога олинган. Афтидан, СБУ офицерлари енгил автомобилда дронларни қўриқлаб борган. Тарқалган видеоларда камида иккита юк машинаси кўринади. Операция давомида нечта юк машинасидан фойдаланилгани, улардан нечтаси қўлга тушгани аниқ эмас. Тармоқда баъзи юк машиналари портлаб кетгани акс этган видеолар тарқалганди. Битта машина одамлар унинг устига чиқиб томини очаётганда катта эҳтимол масофадан туриб портлатиб юборилган.
Ўткир Жалолхонов тайёрлади.
Тасвирчи ва монтаж устаси – Фахриддин Ҳотамов.
Тавсия этамиз
Навбатдаги чўпчак: Ўзбекистонда криптовалюта “қазиб олувчи” ускуна ижарасидан даромад олиш таклиф этилмоқда
Жамият | 20:37 / 14.07.2025
„Участкавой“ президент билан учрашувда капитанга айланди
Ўзбекистон | 15:27 / 11.07.2025
Трамп: НАТО Украина учун АҚШдан қурол сотиб олади
Жаҳон | 11:21 / 11.07.2025
Элдор Шомуродов Туркия клубига ўтди
Спорт | 11:12 / 11.07.2025
Сўнгги янгиликлар
-
«Ташаббусли бюджет» жараёнларининг 2-мавсуми бошланди
Ўзбекистон | 01:06
-
«Руслар қандайдир тарихчи билан келди». НАТО бош котиби Истанбулдаги Россия делегацияси таркибини танқид қилди
Жаҳон | 00:58
-
Трампнинг «катта чиқиши»: ҳаммаси ўзгариши мумкин
Жаҳон | 23:54 / 14.07.2025
-
Австарлияда сёрфер йигит бир кеча океанда қолиб кетди
Жаҳон | 23:51 / 14.07.2025
Мавзуга оид

23:54 / 14.07.2025
Трампнинг «катта чиқиши»: ҳаммаси ўзгариши мумкин

21:32 / 14.07.2025
Зеленский иқтисодиёт вазири Юлия Свириденкога Украина бош вазири лавозимини таклиф қилди

21:01 / 14.07.2025
Трамп Россияга Украина билан келишувга эришиш учун 50 кун муҳлат бермоқчи

20:19 / 14.07.2025