Қўшимча функционаллар
-
Тунги кўриниш
Трамп Путин билан телефон орқали мулоқот қилди. Суҳбат икки соатдан ортиқ давом этди
АҚШ ва Россия президентларининг суҳбати Украина ҳудудида 30 кунлик ўт очишни тўхтатиш бўйича келишувга эришиш ҳаракатлари фонида бўлиб ўтди.
Фото: Getty images
АҚШ президенти Доналд Трамп ва Россия президенти ўртасидаги телефон мулоқоти якунланди. Бу ҳақда Оқ уй вакилига таяниб NBC News хабар берди. Ўзаро мулоқот икки соатдан ортиқ давом этди.
Трамп ва Путин суҳбати АҚШнинг Украина ҳудудида 30 кунлик ўт очишни тўхтатиш бўйича келишувга эришиш ҳаракатлари фонида бўлиб ўтди. Бу вақт давомида узоқ муддатли тинчлик келишувини мувофиқлаштириш режалаштирилмоқда. Киев тинчлик сулҳи тўғрисидаги таклифни қабул қилган. Энди Вашингтон Москванинг жавобини кутмоқда.
Путиннинг матбуот котиби Дмитрий Песков ҳам ТАСС агентлигига телефон мулоқоти якунланганини тасдиқлади.
Бу Доналд Трамп Оқ уйга қайтганидан бери икки мамлакат етакчиларнинг иккинчи марта телефон орқали суҳбатлашиши. Биринчи марта улар 12 феврал куни гаплашган эди — ўшанда суҳбат бир ярим соат давом этган. Мазкур мулоқот натижасида президентлар Россия-Украина можаросини ҳал қилиш бўйича музокараларни дарҳол бошлашга келишиб олган.
Аввалроқ АҚШ етакчисининг махсус вакили Стивен Уиткофф Трамп ва Путин ўртасида телефон мулоқоти бўлиб ўтишини маълум қилган эди. «Ўйлайманки, бу ҳафта икки президент ўртасида ҳақиқатан ҳам яхши ва ижобий муҳокама бўлади», — деганди у.
Тинчлик музокаралари
Мавзуга оид
23:07 / 18.03.2025
Путин Украина энергетика объектларига 30 кун зарба бермасликни қўллаб-қувватлади ва «ҳарбийларга тегишли буйруқ берди»
21:25 / 18.03.2025
Трамп ўз қароргоҳида 1 миллион долларлик шахсий кечки овқатни ташкил қилди
20:53 / 18.03.2025
Трамп: «Украинага босим ўтказишга мажбур бўлгандик»
20:16 / 18.03.2025