Қўшимча функционаллар
-
Тунги кўриниш
Арманистон ва Озарбойжон тинчлик битими лойиҳасини келишиб олди
ТИВ раҳбари Жайҳун Байрамовга кўра, Арманистон битимнинг келишилмаган охирги иккита банди бўйича Озарбойжон томонининг таклифини қабул қилган.

Фото: Getty images
Арманистон ва Озарбойжон вакиллари музокараларни якунлаб, тинчлик битими матнини келишиб олди. Бу ҳақда ҳар икки мамлакат Ташқи ишлар вазирликлари маълум қилди.
Озарбойжон ТИВ раҳбари Жайҳун Байрамовнинг маълум қилишича, Арманистон битимнинг келишилмаган охирги иккита банди бўйича Озарбойжон томонининг таклифини қабул қилган.
«Бокунинг кейинги босқичдаги кутилмалари қуйидагича — Арманистон ўз конституциясига ўзгартиришлар киритиши керак, чунки унда ҳали ҳам Озарбойжонга нисбатан ҳудудий даъволар мавжуд», — дейди вазир.
Ереван ўз навбатида ҳужжатни имзолаш жойи ва вақтини белгилаш бўйича Боку билан маслаҳатлашувларни бошлашга тайёрлигини тасдиқлади.
Арманистон ва Озарбойжон 2023 йилдан бери тинчлик битимини имзолашга уринмоқда. 2025 йил февралда Арманистон бош вазири Никол Пашинян томонлар тинчлик сулҳининг 17 та бандидан 15 тасини келишиб олганини маълум қилганди. Келишилмаган бандлар халқаро суд инстанцияларида ўзаро даъволардан воз кечиш ва чегара ҳудудида учинчи кучларни жойлаштирмаслик масалалари эди. Ўша пайтда у Ереван ва Боку ўртасидаги вазиятнинг кескинлашиши учун асос кўрмаётганини билдирганди.
Озарбойжон тинчлик битими доирасида Арманистон ўз Конституциясига ўзгартиришлар киритишини талаб қилмоқда. Унда Арманистон Олий кенгаши 1990 йил 23 августда қабул қилган мамлакат мустақиллиги декларациясига ҳавола бор. Ушбу декларация бошида ўз навбатида, Арманистон ССР ва Тоғли Қорабоғнинг 1989 йилдаги «Бирлашув тўғрисида»ги қўшма резолюциясига ҳавола келтирилган.
Тавсия этамиз
Соч тўкилиши, кўз ости қорайиши, лаб ёрилиши: тана тили бизни нималардан огоҳлантиради?
Жамият | 17:08 / 10.07.2025
Роман Старовойт – урушнинг курсидаги қурбони
Жаҳон | 22:00 / 08.07.2025
Қозоғистонда куйдирги тарқалди, икки қишлоқ карантинга олинди
Жаҳон | 17:57 / 08.07.2025
11 июлдан IELTS имтиҳонини қоғозда топшириш бекор қилинади
Ўзбекистон | 15:45 / 08.07.2025
Сўнгги янгиликлар
-
Ҳар якшанба кунлари Тошкентдан Малдивга тўғридан тўғри рейслар
Ўзбекистон | 09:00 / 11.07.2025
-
Иқтисодиёт университетининг кафедра ўқитувчиси 4 минг доллар билан ушланди
Жамият | 09:12
-
Тошкент–Шанҳай ўртасида тўғридан тўғри авиақатновлар йўлга қўйилди
Ўзбекистон | 08:45
-
Трамп мис импортига 50 фоизлик божлар қачон жорий этилишини айтди
Жаҳон | 08:17
Мавзуга оид

21:05 / 11.07.2025
“Кавказда Россия энди лидер эмас, оддий иштирокчига айланмоқда” — сиёсатшунос

08:45 / 11.07.2025
Ўзбекистон ва Озарбойжон ўзаро савдо ҳажмини 1 млрд долларга етказади

20:23 / 10.07.2025
Кейинги қадам – тинчликми? Алиев ва Пашинян нима ҳақда келишиб олди?

08:21 / 10.07.2025