Қир одами: оқбилоллик ревизор

Ҳабибиддин ота Исмоилов Фарғона туманининг Оқбилол қишлоғидан. Нафақага чиққан 80 ёшли ота қирликда ҳар куни қўй боқади. У 3 гектарлик майдонда узумбоғ яратган. Тошкент халқ хўжалиги институтини тамомлаган Ҳабибиддин ота кўп йиллар ревизор бўлиб ишлаган.

{Yii::t(}

Ўтказиб юбориш 6s

Ўтказиб юбориш

“10 ёшимдан бошлаб қўйчилик билан шуғулланганмиз. Қўй боқиб ёмон бўлмадик. Қўйда барака бўлади, тез кўпаяди. Чорвачиликни 20 та қўйдан бошлаганман. Бир йил ичида бу қўйлар 100 та бўлди. Кейинги йилда эса 200 тагача кўпайди. Қўйларни 200 тага етказганимдан кейин ҳаётим яхши томонга ўзгарди. Даромадга кира бошладик.

80 ёшга кирган бўлсам отни ҳам, эшакни ҳам чоптириб минаман, Худога шукр. Тонг саҳар туриб бадантарбия билан шуғулланаман. Тенгқурларим билан кураш тушаман. Эркак киши тетик юриши учун бу муҳим-да.

Бешёғочда Халқ хўжалиги институтининг Молия факултетини битирганман. Кўп йиллар пойтахтда ревизор бўлиб ишладим. Шароит яхши бўлса ҳам ўз юртимни, қишлоғимни соғинардим.

Фарғона вилоятига қайтиб келиб то пенсияга чиққунимча Молия бошқармасида ишладим.

Икки ўғил ва бир қиз фарзандни тарбияладим. Икки ўғлим ёнимга кириб қолган. Чорвачилик ва боғдорчилик ишларида улар менга яқиндан ёрдам беради. Баҳор келиб ишлар бошланиб кетди. Қарийб 3 гектар майдонда каттагина узумбоғ ташкил қилганмиз. Уни соғориш учун эса 100 метр чуқурликдан қудуқ қазидик.

Хуллас меҳнат қилган кам бўлмайди”, деди Ҳабибиддин ота.

Сарвар Зиёев,
Kun.uz
Оператор ва монтажчи – Сардор Мамиров