Қўшимча функционаллар
-
Тунги кўриниш
Россиянинг Марселдаги консуллигида юз берган портлашдан кейин икки киши ушланди
Россиянинг Марселдаги консуллигида рўй берган портлашдан сўнг Украинани қўллаб-қувватлашга бағишланган намойишда икки эркак қўлга олинди.
Фото: Reuters
24 феврал, душанба куни Россиянинг Украинага қарши уруши уч йиллиги муносабати билан Марселда ўтказилган Украинани қўллаб-қувватлашга бағишланган намойишда икки эркак қўлга олинди. Бу Россия Бош консуллиги ҳудудидаги портлаш муносабати билан юз берди, дея хабар қилди BFM TV.
Журналистларнинг ёзишича, қўлга олинганлар 48 ва 59 ёшда, улар дипломатик муассасадаги видеокузатув камералари орқали аниқланган. Улардан бири портлашга алоқадорликда гумон қилинмоқда.
Россиянинг Марселдаги бош консуллиги ҳудудида портлаш
24 феврал куни эрталаб Россиянинг Марселдаги бош консуллиги биноси деворига учта портловчи мослама ташланган, улардан иккитаси портлаган. Портлаш оқибатида ҳеч ким жабрланмаган, ҳужумчи эса яширинган.
Россия Ташқи ишлар вазирлиги Франция расмийларини воқеани ҳар томонлама текширишга чақирди. Россия Ташқи ишлар вазирлиги матбуот котиби Мария Захарова террорчилик ҳаракати аломатлари борлигини айтди. Москва, шунингдек, Франциядаги Россия дипломатик ваколатхоналари учун хавфсизлик чораларини кучайтиришга чақирди.
Мавзуга оид
21:59 / 15.03.2025
Зеленский Курск областида жанглар давом этаётганини айтди
18:18 / 15.03.2025
Уиткофф Путин билан учрашиш учун 8 соат кутгани айтилди
14:34 / 15.03.2025
Хитой, Россия ва Эрон барча ноқонуний санкцияларни бекор қилишга чақирди
09:02 / 15.03.2025