Латвия Ўзбекистон фуқаролари учун виза режимини соддалаштириши мумкин

Ўзбекистон ташқи ишлар вазири ўринбосари Олим Абдуллаев Латвия элчиси Рейнис Трокша билан учрашди.

Фото: ТИВ

ТИВ маълумотига кўра, учрашувда ташқи меҳнат миграцияси соҳасида ҳамкорликни кенгайтириш масалалари муҳокама қилинди.

Музокаралар чоғида Ўзбекистон фуқароларини Латвияга ишлаш учун ташкилий жўнатиш, виза режимини соддалаштириш, меҳнат миграцияси соҳасида қонунчилик базасини яратиш ва қўшма таълим муассасалари ва марказларини ташкил этиш, шунингдек, Латвиядан мутахассисларни жалб этиш масалалари муҳокама қилинди.

Томонлар меҳнат мигрантлари ҳуқуқларини ҳимоя қилишда икки давлат мутасадди идоралари ўртасидаги ҳамкорликни мустаҳкамлаш муҳимлигини қайд этиб, ташқи меҳнат миграцияси соҳасида икки томонлама муносабатларни янада ривожлантиришга тайёр эканликларини тасдиқлади.

#виза #Латвия