АҚШда йирик суғурта компанияси бош директори отиб ўлдирилди
Брайан Томпсон Ню-Йорк меҳмонхоналаридан бири ёнида қотиллик қурбони бўлди.

Фото: CNN
АҚШ UnitedHealthcare суғурта компаниясининг бош директори Брайан Томпсон Манҳэттенда отиб ўлдирилди.
CBS News хабарига кўра, 4 декабр куни эрталаб номаълум қора ниқобли шахс 50 ёшли Томпсонга Ню-Йорк меҳмонхоналаридан бири ёнида ўқ узган.
UnitedHealthcare компанияси вакилининг айтишича, меҳмонхонада инвесторлар конференцияси ўтказилиши лозим бўлган.
Полиция манбаларининг айтишича, қотил Томпсонга қарата бир марта ўқ узган. Бу, эҳтимол, қотиллик қасддан содир этилганидан далолат беради. Ҳужум қилган шахс қидирилмоқда ва унинг мақсади аниқланмоқда.
UnitedHealthcare Қўшма Штатлардаги энг йирик тиббий суғурта компаниясидир. АҚШ ва бошқа мамлакатларда 100 миллиондан ортиқ мижозларга хизмат кўрсатиб, суғурта мукофотлари бўйича дунёдаги энг йирик компанияси ҳисобланади.
Мавзуга оид

11:00 / 16.03.2025
Трампнинг эҳтиётсизлиги АҚШ фонд бозорини қулатди — АҚШда кризис хавфи борми?

08:37 / 16.03.2025
АҚШга кучли торнадо ёпирилди, ўнлаб қурбонлар бор

07:48 / 16.03.2025
АҚШ Трамп буйруғидан кейин Ямандаги ҳусийчиларга авиазарбалар бермоқда

22:27 / 15.03.2025