Қўшимча функционаллар
-
Тунги кўриниш
Божхона постида Ўзбекистонга олиб кирилаётган пневматик қуроллар ва 2,7 минг дона ўқлар тўхтатиб қолинди
Фуқаро 3 кг ов милтиғи капсулаларини автомобилнинг олд ўриндиғи орасига яширган ҳолда ўтмоқчи бўлган.
Фото: Божхона қўмитаси
Қорақалпоғистонда жойлашган “Довут-ота” чегара божхона постидан ноқонуний олиб ўтилаётган пневматик қуроллар ва ўқлар фош этилган. Бу ҳақда республика божхона бошқармаси хабар бермоқда.
Маълум қилинишича, “Довут-ота” чегара божхона пости орқали Россиядан кириб келган курьерлик жўнатмалари божхона кўригидан ўтказилганида йўловчи томонидан 4,5 мм пневматик тўппонча, тозалаш учун мўлжалланган анжом, 2 дона газбаллон, 2 дона ўқдон ва 700 дона пневматик қурол учун ўқларни ҳеч қандай ҳужжатларсиз олиб келинаётгани аниқланган.
Бундан ташқари, қўшни давлатдан мамлакатимизга кириб келган фуқаронинг қўл юкларидан 1 дона газбаллонли тўппонча, 11 дона газбаллон, 1 дона ўқдон, 1 дона пневматик тўппонча учун ғилоф ва 2000 дона пневматик тўппонча учун темир шарикли ўқлар борлиги маълум бўлган.
Шунингдек, транспорт воситасининг олди томонидаги ўриндиқлар орасига вазни салкам 3 кг бўлган ов милтиғи ўқининг капсулаларини хуфиёна тарзда яшириб олиб ўтишга уриниш ҳолатлари фош этилган.
Мавзуга оид
11:00 / 08.03.2025
“Ходимларнинг аралашганлиги ҳолати аниқланмади” – “Яллама” постидан юзлаб автомобилларнинг ғайриқонуний олиб ўтилишида божхоначилар иштироки ҳақида
11:23 / 25.02.2025
Халқаро автобус қатновларида йўловчи маълумоти божхона постига олдиндан етказилади
20:25 / 24.02.2025
Божхона постларида енгил автомобиль ва автобуслар учун қизил ва яшил йўлаклар жорий қилиниши мумкин
09:31 / 21.02.2025