Халқаро таълим хаби. Венгрияда таълим олишнинг муҳим жиҳатлари

Юқори сифатли таълим, инглиз тилидаги дастурлар, арзон контракт нархлари, бой маданий мерос, Ўзбекистонда ва Европа давлатларида тан олинган Европа Иттифоқи дипломи, халқаро талабалар ҳамжамияти ва стипендиялар Венгрияни халқаро талабалар учун жозибадор таълим манзилига айлантиради.

Кузнинг дастлабки ойи олий таълим олишда тўғри қарор қабул қилишнинг айни палласи ҳисобланади. Бугун Ўзбекистонда ва хорижда сифатли таълим олишнинг чексиз имкониятлари бор. Мисол учун Венгрияда ўзбекистонлик талабалар сони тобора кўпаймоқда.

Венгрия таълими нимаси билан муҳим?

Венгрия Олий таълим муассасаларида хорижлик талабалар сони бўйича Европа давлатлари орасида олтинчи ўринда турибди. Яъни у ерда ўқиш қулай бўлгани сабабли кўпчилик мамлакатлар аҳолиси Венгрияда таълим олишни маъқул кўришади.

2023 йилга келиб, Венгрияда таълим олаётган хорижлик талабаларнинг сони 45,000 атрофида бўлган. Венгриянинг кўпгина университетлари халқаро талабалар учун янги имкониятлар ва таълим дастурлари таклиф қилади.

Венгрия университетлари жаҳон рейтингларида юқори ўринлардан жой олган ва уларнинг таълим сифати халқаро стандартларга мос келади. Венгрияда таълим сифати юқори, талабалар эса юқори даражадаги билим ва кўникмаларга эга бўлишади. Масалан, Будапешт Технология ва Иқтисодиёт Университети ва Этвос Лоранд Университети халқаро даражада тан олинган олий ўқув юртларидир.

Венгрияда кўплаб таълим дастурлари инглиз тилида олиб борилади, бу эса хорижлик талабалар учун қулайлик яратади.

Венгрияда контракт нархлари Европанинг бошқа мамлакатларига нисбатан арзон. Бу талабалар учун иқтисодий жиҳатдан ниҳоятда керакли омил. Шунингдек, яшаш нархларининг ҳам пастлиги ижарада яшайдиганлар учун қийинчилик туғдирмайди.

Европа Иттифоқи дипломи ва талабаларга молиявий ёрдам

Венгрия Европа Иттифоқи аъзоси бўлиб, бу ерда олинган дипломлар Ўзбекистонда ва Европанинг барча мамлакатларида тан олинади. Бу талабалар учун мамлакатимизда ёки дунёнинг исталган нуқтасида ишлаш имкониятини оширади. Бу эса Ўзбекистонда етук ва салоҳиятли кадрлар учун имкониятлар катта бўлган ҳозирги даврда талаба учун қулай шароит деганидир.

Венгрияда хорижлик талабалар сони кўп. Бу талабаларга турли миллатлар ва маданиятлар билан танишиш имкониятини беради. Халқаро ҳамжамият талабаларнинг дунёқарашини кенгайтиришга ёрдам беради.

Венгрияда талабалар учун кўплаб стипендия ва грант программалари мавжуд. Булар талабаларга молиявий ёрдам кўрсатиб, уларнинг таълим жараёнини енгиллаштиради. Масалан, Stipendium Hungaricum стипендия программаси кўплаб халқаро талабалар учун молиявий ёрдам тақдим этади.

Stipendium Hungaricum – ўзбекистонлик талабалар учун имконият

Stipendium Hungaricum дастури асосида Венгрия ҳукумати томонидан ўзбек талабалари учун ажратилаётган стипендиялар дастури доирасида ҳар йили юзлаб ўзбек талабалари Венгриянинг етакчи университетларида ўқиш имкониятига эга бўлишади. 2021 йилда 170 нафардан ортиқ ўзбек талабаси ушбу дастур доирасида Венгрияда таҳсил олган.

Венгрия ва Ўзбекистон ўртасида таълим соҳасида тўғридан-тўғри ҳамкорлик ўрнатилган. Венгриянинг таълим дастурлари ва стипендиялари орқали ўзбекистонлик талабаларга имкониятлар тақдим этилади. 2023 йилда Венгрияда тахминан 1000 дан ортиқ ўзбек талабалар ўқиган.

Хорижда таълим олиш – яқинлардан олисда бўлиш, Ватанни соғиниш, машаққатларни енгиш хавотиридан воз кечинг. Чунки Qanot Sharq Авиакомпанияси Тошкент-Будапешт йўналишида мунтазам авиарейсларни йўлга қўйди. Парвозлар сони ҳафтасига икки маротаба: якшанба ва чоршанба кунлари амалга оширилади. Компания мижозлар учун хавфсизлик, қулайлик ва ҳамёнбоп нархларда авиачипталарни тақдим этади.

Маълумот учун телефонлар: (+998) 71−227−93−07. (+998) 71-227-57-71

Сайт: qanotsharq.com

Instagram: @qanotsharq

Telegram: t.me/qanotsharq

Реклама ҳуқуқи асосида

#Венгрия #Qanot Sharq