Australian Open'да сенсация. Синнер Жоковичнинг Мелбурндаги 2195 кунлик мағлубиятсиз сериясига чек қўйди

Теннис бўйича Australian Open мусобақасида дастлабки финалчи аниқланди.

Фото: Getty images

Турнирда сўнгги 5 йилда 4 бор чемпион бўлган (биттасида қатнашмаган) Новак Жокович кутилмаганда италиялик 22 ёшли теннисчи Янник Синнерга ютқазиб қўйди — 1:6, 2:6, 7:6, 3:6.

Эътиборлиси, сербиялик тажрибали теннисчи Мелбурнда 2195 кундан (33 ўйин) сўнг илк бор мағлубиятга учради.

Синнер эса Australian Open тарихидаги энг ёш финалчига айланди. Унинг бош соврин учун рақиби Даниил Медведев (Россия) — Александр Зверев (Германия) беллашувида аниқланади. Мусобақа соврин жамғармаси 86,5 млн австралия долларини ташкил этади.

#Теннис #Australian Open