Митти Rabbit R1 антисмартфони тақдим этилди
Катта салоҳиятга эга кичик қурилма классик мобил телефонлар ўрнини эгаллаши мумкин.

Фото: Rabbit
CES 2024 маиший электроника кўргазмаси доирасида Rabbit R1 «янги авлод гаджети» тақдим этилди. Ишлаб чиқарувчига кўра, бу — сунъий интеллектга асосланган антисмартфон, унда ҳеч қандай илова бўлмайди.
Rabbit R1 классик мобил телефондан бутунлай фарқ қилади. У 2,88 дюймли сенсорли экранга, айланувчи камерага ва интерфейсларни айлантиришга мўлжалланган ғилдиракчага эга.
Rabbit R1 ичида 2,3 ГГц частотали MediaTek процессори, 4 Гб оператив хотира ва 128 Гб ички хотира, шунингдек, қуввати бир кунга етадиган батарея мавжуд. Буларнинг барчаси Teenage Engineering фирмаси дизайнига эга митти корпусда яширинган.
Қурилма қўнғироқларни амалга ошириши (SIM-слот бор), хабарлар юбориши, ҳар қандай саволларга жавоб бериши ва таксига буюртма бериш ёки ресторанда стол банд қилиш каби кўрсатмаларни бажариши мумкин. Қурилманинг концепцияси оддий – сизга иловалар керак эмас, фақат шахсий сунъий интеллект (СИ) ёрдамчиси билан мулоқот қилиш учун қулай интерфейс кифоя.
Бунинг учун компания ўзининг Rabbit OS операцион тизимини ишлаб чиқди. У билан мусиқа плейерини бошқариш, камера орқали маҳсулотларни таниб олиш, файлларни юбориш ва бошқа амалларни бажариш мумкин.
Rabbit R1 март ойида 199 доллардан (≈2,5 млн сўм) сотувга чиқарилади.
Мавзуга оид

12:38 / 11.03.2025
РБК: Россияда полиция учун смартфонларни бузиб кириш қийинлашди

16:22 / 05.03.2025
Смартфонлардан атиги 72 соат воз кечиш ҳам мия учун фойдали — тадқиқот

21:15 / 03.03.2025
Samsung ўрта бюджетли A56, А36 ва А26 смартфонларини тақдим қилди

18:14 / 17.02.2025