Британия кўчаларидан бирига қадамларни электрга айлантириб берадиган йўлак ўрнатилди

Буюк Британиянинг шаҳарларидан бирида оёқ товушларини электр энергиясига айлантириб берадиган йўлак ўрнатилди. Тўпланган энергиядан мобил телефонларни зарядлаш имкони пайдо бўлади.

Фото: Metro.co

Телфорд ва Врекин кенгашлари шаҳар кўчаларидан бирига пиёдалар юрганда ёки югурганда энергия ишлаб чиқарадиган олти метрли ақлли қопламани ўрнатди.

Тўпланган энергия Шропшире штатининг Телфорд шаҳридаги скамейкалар ёнидаги зарядлаш пунктларига узатилади. Бу ерда одамлар мобил телефонларини қувватлантириши мумкин.

Йўловчилар қадамлари натижасида ҳосил бўладиган энергия миқдорини кўрсатадиган экран қуёш энергияси билан ишлайди. Йўл қопламаси резина ва зангламайдиган пўлатдан ясалган ва соатига 2,1 кВт электр энергияси ишлаб чиқара олади.

Аҳолининг аксар қисми бу ташаббусни олқишлаган бўлса, яна бир қисми иқтисодий кризис пайтида бундай қимматбаҳо лойиҳалар керак эмас деган фикрда. Чунки Телфорд ва Врекин кенгашлари иқлим ўзгаришига қарши чора-тадбирлар учун 4,5 миллион доллардан ортиқ пул ажратган. Қадамларни электрга айлантириб берадиган йўлак ҳам шу пулларнинг бир қисми ҳисобланади.

#электр энергияси #Британия #йўлак