Навоийда 4 нафар эгизак дунёга келди
Навоий шаҳрида 4 нафар эгизак туғилди. Уларга Мадина, Муслима, Юнус ва Юлдуз исмлари қўйилди. Kun.uz мухбири чақалоқларнинг отаси билан суҳбатлашди.

Фото: Kun.uz
23 декабр куни Навоий шаҳрида бирйўла 4 нафар эгизак: 3 қиз ва 1 ўғил туғилди. Чақалоқларнинг ота-онаси Шомурод Фармонов ва Раҳима Абдураҳмонова Кармана туманининг Талқоқ маҳалласида истиқомат қилишади. Улар 2020 йилда турмуш қуришган.
“Скрининг текширув пайтида чақалоқлар 4 нафар экани маълум бўлганди. Уларнинг 2 нафари қиз ва 1 нафари ўғил эканини ўшандаёқ аниқ айтишганди шифокорлар. Албатта, қувончимнинг чеки йўқ”, – дейди чақалоқларнинг отаси Шомурод Фармонов.
Маълум бўлишича, биринчи бола 1 570 грамм, иккинчи бола 1 460 грамм, учинчи бола 910 грамм, тўртинчи бола эса 1 280 граммни ташкил этган.
ДХА Навоий вилояти бошқармасининг ташаббуси билан сайёр тартибда хизмат кўрсатилиб, чақалоқларнинг яқинларига туғуруқхонанинг ўзида туғилганлик гувоҳномалари, банк ходимлари томонидан суюнчи пули топширилган.

Айни пайтда она ҳам, чақалоқлар ҳам шифокорлар назоратида.
Мавзуга оид

15:34 / 28.02.2025
Ўзбекистонда фанга номаълум 2 қўнғиз тури кашф қилинди

14:53 / 14.02.2025
Ўзбекистонда 2024 йилда қанча эгизаклар туғилгани маълум қилинди

18:13 / 13.02.2025
Тошкент ва Навоий вилоятларининг айрим ҳудудларида чиқинди йиғими нархлари ошди

19:33 / 05.02.2025