Қўшимча функционаллар
-
Тунги кўриниш
Қўнғиротда маҳкумни 10 минг доллар эвазига озодликка чиқариб бермоқчи бўлган фирибгар ушланди
Фото: Прокуратура департаменти
Қорақалпоғистонда маҳкумни озодликка чиқариб бермоқчи бўлган фирибгар қўлга олинган. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.
Маълум бўлишича, департаментнинг Қўнғирот туман бўлими ДХХ ҳамда ИИБ ҳамкорликда тезкор тадбир ўтказган.
Унда туман тиббиёт бирлашмаси ҳамшираси Ш.А. манзил колониясида жазо муддатини ўтаётган маҳкум Ф.нинг ишончига кириб, уни юқори лавозимда ишловчи танишлари орқали 10 минг АҚШ доллари эвазига муддатидан олдин озодликка чиқариб беришга келишган.
Шу мақсадда маҳкумдан 5 минг АҚШ долларини олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Бундан олдин Тўрткўлда тадбиркор бўлиш истагида бўлган фуқародан 7 минг доллар талаб қилган фирибгар ушланганди.
Мавзуга оид
19:33 / 04.03.2025
Оҳангарон шаҳар ҳокими ўринбосари ишдан олинди. У қамоқдаги маҳкумнинг уйини ўзлаштириб олгани маълум бўлганди
15:22 / 18.02.2025
Товоқсойда маҳкум девор босиб қолиши оқибатида вафот этди
18:16 / 04.02.2025
“Қамоқда ўлиб кетади деб ўйлашган” – Оҳангаронда қамоқдаги маҳкумнинг уйи суд қарори билан ўзлаштириб олингани маълум бўлди
11:29 / 01.02.2025