«Пахтакор» — 14 карра Ўзбекистон чемпиони

Ўзбекистон Суперлигасида 22-тур беллашувлари бўлиб ўтмоқда. Бугунги кун дастуридан ўрин олган 2та муҳим учрашув ўз якунига етди.

Фото: Пахтакор ФК

Тошкентдаги «Пахтакор» стадионида бўлиб ўтган «Пахтакор» ва «Қизилқум» беллашуви «шерлар»нинг 4:2 ҳисобидаги ғалабаси билан якунланди.

Жиззахда эса турнир жадвалининг 2-поғонасида бораётган «Сўғдиёна» клуби «Қўқон-1912»ни қабул қилиб, 1:1 ҳисобида дуранг натижа қайд этди. Натижада, чемпионат якунланишига 4та тур қолган бир пайтда, «Пахтакор»нинг энг яқин таъқибчиси билан орадаги фарқи 14 очкога етди.

Шу тариқа, «Пахтакор» 14-маротаба футбол бўйича Ўзбекистон чемпионати ғолибига айланди. Бу клубнинг миллий чемпионатдаги сўнгги 4 йилликдаги кетма-кет 4-ғалабаси бўлди.

Суперлига. 22-тур
16 октябрь (шанба)

«Пахтакор» - «Қизилқум» - 4:2
Голлар: Игнатий Нестеров 3 (ўз дар.), Драган Черан 38 пен., 61 пен., 66 - Элгужа Григалашвили 13, Эркин Бойдуллаев 45+1.

«Cўғдиёна» - «Қўқон-1912» - 1:1
Ҳакам: Аскер Нажафалиев
Голлар: Элёр Орифов 37 - Мурод Ҳолмуҳаммедов пен., 4.

«Турон» - «Сурхон» - 1:1
Голлар: Фозил Мусаев 68 – Муродбек Бобожонов 47.