Алишер Қодиров андижонлик сайловчилар билан учрашди

«Миллий тикланиш» демократик партиясидан президентликка номзод Алишер Қодиров бугун андижонлик сайловчилар билан учрашди.

Фото: «Миллий тикланиш» партияси

Учрашувда Алишер Қодировнинг ўзи нутқ сўзлаб, йиғилганларни ўзининг сайловолди дастури билан таништирди.

Алишер Қодировнинг Бухоро вилоятидаги ишончли вакили, Олий Мажлис Сенати аъзоси Абира Ҳусейнова вилоятдаги энг чекка ҳудуд — Қоровулбозор туманида сайловчилар билан учрашув ўтказди.

Учрашувда ишончли вакил президентликка номзоднинг таржимаи ҳоли ва сайловолди дастури билан таништирди. Сайловчиларнинг саволларга жавоб қайтарди.

Тадбир якунида партиянинг «Хизмат — беминнат» лойиҳаси доирасида бепул қўшимча таълим олиб, биология йўналишида энг юқори балл билан Бухоро давлат университетига давлат гранти асосида талабаликка қабул қилинган Улжан Талмаханованинг устози Зиёдулло Раҳматовга алоҳида миннатдорчилик билдирилди.

#сайлов #Алишер Қодиров

Сайлов қонунчилигига киритилган ўзгартишларга кўра сайловлар октябр ойи учинчи ўн кунлигининг биринчи якшанбасида ўтказилиши белгиланди. 2021 йилги президентлик сайлови 24 октябрга тўғри келмоқда.