АҚШ Ҳурмуз бўғозини патруллаш учун коалиция ташкил этилишини эълон қилди

Фото: AP Photo / Tasnim News Agency
АҚШ Ҳурмуз бўғозини патруллаш учун коалиция ташкил этмоқда, унда бутун дунё давлатлари иштирок этади. Бу ҳақда АҚШ давлат котиби Майк Помпео WFTV 9 телекомпаниясига берган интервьюда маълум қилди.
Унинг таъкидлашича, коалиция иштирокчилари ҳудудда денгиз йўлларини очиқ тутиш учун бўғозни патруллайди.
Помпео Вашингтон Эрон билан урушишни истамаётгани, бироқ Теҳрон ўзини тутишни ўзгартириши лозимлигини айтган. “Биз улар бутун дунё бўйлаб террорчилик фаолияти билан шуғулланишни бас қилишларини истаймиз. Улар ўз ядро қуроли дастурини давом эттирмасликлари керак”, деб қўшимча қилган АҚШ давлат котиби.
У АҚШ президенти Дональд Трамп Эрон етакчилари билан бирор-бир дастлабки шартсиз учрашишдан хурсанд бўлишини айтган. Помпеонинг айтишича, Трамп ихтилофга йўл қўймаслик учун дипломатик мулоқот зарурлигини таъкидламоқда.
Аввалроқ Вашингтон иттифоқдошлари билан Форс кўрфазидан ўтувчи танкерларни қўриқлаш имкониятини муҳокама қилаётгани маълум қилинганди. АҚШ ҳарбий коалиция ёрдамида Эрон ва Яман соҳиллари яқинидаги тижорий кемачиликни ҳимоя қилишга умид қилмоқда.
Минтақадаги вазият Уммон кўрфазида нефт танкерларига бир қатор ҳужумлардан кейин таранглашди. АҚШ ушбу ҳужумлар учун жавобгарликни Эрон зиммасига юкламоқда.
Мавзуга оид

01:48
Трамп Яман ҳусийларига қарши ҳарбий амалиёт бошлашни буюрди

22:27 / 15.03.2025
Европа Иттифоқи ҳарбий разведка учун сунъий йўлдош тармоғини яратиши мумкин

22:01 / 15.03.2025
Трамп «Озодлик радиоси» ва «Америка Овози» радиосини назорат қилувчи агентликни қисқартирмоқчи

18:18 / 15.03.2025