Қўшимча функционаллар
-
Тунги кўриниш
Парагвай Ал-Қудсда элчихонасини очди
Фото: REUTERS/Ronen Zvulun
Парагвай мамлакатнинг Исроилдаги элчихонасини Тель-Авивдан Ал-Қудсга кўчирди. Бу ҳақда Reuters хабар қилмоқда.
Таъкидланишича, бу АҚШ ва Гватемаладан сўнг шундай қарорга келган учинчи давлат бўлди.
Элчихонанинг очилиш маросимида Парагвай президенти Горацио Картес ҳамда Исроил бош вазири Биньямин Нетаньяҳу иштирок этди.
Аввалроқ, 10 мингга яқин фаластинлик Исроил билан Ғазо секторининг маъмурий чегараси ҳудудида тўплангани хабар қилинганди. Айрим намойишчилар чегара тўсиғидан ўтишга уриндилар. Бундан ташқари, Ал-Қудсда АҚШнинг янги элчихонаси очилиши фаластинликларнинг норозилигига сабаб бўлди. Ғазо секторининг маъмурий чегарасида содир бўлган тартибсизликларда ҳалок бўлганларнинг сони 60дан ошиб кетди, 2400дан ортиқ фаластинликлар яраланди.
Эслатиб ўтамиз, бундан аввал Ал-Қудс ишлари бўйича вазир Фаластин билан низо қандай шартда тўхташини айтганди.
Қуддус Исроил пойтахти деб тан олиниши
6 декабрь куни АҚШ президенти Дональд Трамп Қуддуснинг Исроил пойтахти деб тан олди. У АҚШ Давлат департаментига Тель-Авивдаги элчихонани Қуддусга кўчиришга тайёргарлик кўришни бошлаш вазифасини топширди.
Мавзуга оид
17:40 / 09.02.2025
Ўзбекистоннинг Россиядаги элчихонаси мигрантларга ҳуқуқий ҳолатини қонунийлаштиришни таклиф этди
12:04 / 23.01.2025
Ўзбекистон ҳукумати аъзолари Доналд Трампнинг инаугурациясини АҚШ элчихонасида кузатди
00:56 / 17.01.2025
Британия Хитойга янги элчихона қуриш учун рухсат беришга тайёрлигини билдирди
01:21 / 01.12.2024