Қўшимча функционаллар
-
Тунги кўриниш
Саудия Арабистони АҚШни Ал-Қудс бўйича қарорини ўзгартиришга чақирди
Фото: REUTERS/Assad Hani
Саудия Арабистони ташқи ишлар вазири Одил ал-Жубайр АҚШни Ал-Қудсни Исроил пойтахти деб тан олиш қарорини қайта кўриб чиқишга чақирди.
Саудия Арабистони АҚШнинг Яқин Шарқдаги узоқ йиллик энг яқин ҳамкори ҳисобланади.
“Саудия Арабистони АҚШ маъмуриятини Ал-Қудс бўйича қарорини қайта кўриб чиқишга чақиради”, деб айтган ал-Жубайр Қоҳирада ўтган Араб давлатлари ташқи ишлар вазирлари йиғилишида. Унинг таъкидлашича, бутун жаҳон ҳамжамияти Фаластин муаммоси ечимини излаш бўйича саъй-ҳаракатларни фаоллаштириши керак.
Қуддус Исроил пойтахти деб тан олиниши
6 декабрь куни АҚШ президенти Дональд Трамп Қуддуснинг Исроил пойтахти деб тан олди. У АҚШ Давлат департаментига Тель-Авивдаги элчихонани Қуддусга кўчиришга тайёргарлик кўришни бошлаш вазифасини топширди.
