Eron hukumati namoyishlar tez vaqt ichida tugashini kutmoqda

Foto: AFP
Eron Ichki ishlar vazirining xavfsizlik masalalari bo‘yicha o‘rinbosari Husayn Zulfiqoriyning hisoblashicha, namoyishlarda pasayish kuzatilmoqda va tez orada bu tartibsizliklar barham topadi. Bu haqda Press TV telekanali xabarida aytildi.
«Norozilik namoyishlari qamragan hududlarning katta qismida vaziyat normallashdi. Xavfsizlik kuchlarining harakatlari samarasida keyingi kunlarda avj olgan namoyishlar tez orada butunlay to‘xtaydi», degan Zulfiqoriy.
28 dekabrda Eron shaharlaridan birida tuxum narxining keskin oshishiga qarshi boshlangan noroziliklar 29 dekabrda butun mamlakatga yoyilib, siyosiy tus oldi va 6 kundirki ommaviy namoyishlar davom etmoqda.
Namoyishchilar hukumatning tashqi siyosati tufayli mamlakat ichkarisida iqtisodiy holat og‘ir ahvolga tushib qolganidan norozilik bildirishmoqda va oyatulloh Xomanaiy boshchiligidagi hokimiyat iste'fosini talab etmoqda.
Mamlakat prezidenti Hasan Ruhoniy mamlakat fuqarolarini xotirjamlikka chaqirdi. Uning fikricha, namoyishlarni chetdan ayrim kuchlar rag‘batlantirib turibdi.
Mavzuga oid

17:24
O‘zbekiston milliy jamoasining Qirg‘iziston va Eronga qarshi o‘yin uchun tarkibi e’lon qilindi

15:02 / 09.03.2025
Rossiya, Xitoy va Eron Hind okeanida qo‘shma harbiy o‘quv mashqlarini o‘tkazadi

23:36 / 08.03.2025
Eron AQSh bilan muzokara o‘tkazishni rad etdi

20:41 / 07.03.2025