Трамп: Путин ўт очишни тўхтатиш бўйича келишувни бажаради

Журналистлар билан суҳбат чоғида АҚШ президенти Путиннинг Трампга берган ваъдасини бажариш ниятига ишончи комил эканлигини айтди.

Фото: Saul Loeb/AFP/Getty Images

АҚШ президенти Доналд Трамп Россия президенти Владимир Путин Украинада ўт очишни тўхтатиш бўйича «келишувнинг ўзига тегишли қисмини» бажаришига ишонмоқда. «Мен у бажаришига ишонч ҳосил қилишни хоҳлайман. Ўйлайманки, у менга айтганини қилади ва келишувнинг ўз қисмини бажаради», деди у 31 март, душанба куни Оқ уйда журналистлар билан учрашув чоғида.

Шу билан бирга, Трамп керак бўлса, Россияга иқтисодий босимни кучайтиришга тайёр эканлигини таъкидлади: «Мен унинг нефтига иккиламчи божларни жорий этмоқчи эмасман. Аммо у яхши иш қилмаяпти деб ўйласам, буни қилган бўлардим».

Бундан ташқари, Америка етакчиси Киев билан фойдали қазилмалар бўйича келишувга изоҳ берди, у Украина президенти Володимир Зеленскийни бир кун аввал уни бузишга уринганликда айблади.

«Мен улар билан (Украина) ҳали гаплашганим йўқ, лекин сизлар (журналистлар) орқали улар ҳозир: «Хўш, агар биз НАТОга ёки шунга ўхшаш нарсага кирсак, мен бу келишувга бораман» дейишаётганини эшитдим. Биринчидан, бу ҳеч қачон муҳокама қилинмаган. Путиндан анча олдин улар (Россия) НАТОга кирмайсизлар, деб айтган», — деди у.

#Владимир Путин #Доналд Трамп