GM Onix моделидаги камчилик учун катта миқдорда компенсация тўлаши мумкин

Бразилияда Chevrolet бренди билан боғлиқ катта жанжал бошланди. Федерал прокурорлар General Motors компаниясини 2012-2018 йиллар давомида Lotin NCAP хавфсизлик тестида рейтинг ололмаган 1 миллионга яқин Chevrolet Onix автомобилларини сотгани учун жазоламоқчи. 

Улар компаниядан бундай автомобиллардаги бахтсиз ҳодисаларда жабрланганларнинг барчаси учун катта миқдорда маънавий зарар ундирмоқчи. Умумий компенсация миқдори 2,5 млрд реал ёки 425 млн долларни ташкил этиши мумкин. 

Даъвогарларнинг таъкидланишича, компания Бразилия бозорида хавфсизлик талабларига жавоб бермайдиган автомобилларни “атайлаб сотган”, чунки маҳаллий заводда бошқа мамлакатлар учун ишлаб чиқарилган Onix’лар қўшимча ҳимоя воситалари билан жиҳозланган бўлган.

2017 йилда мустақил Lotin NCAP ташкилоти транспорт воситаларининг хавфсизлигини текшириш мақсадида тест ўтказади, унда Chevrolet Onix ён таъсир хавфсизлиги бўйича ҳеч қандай рейтинг ололмайди. Бунинг ортидан харидорлар 2020 йилда компанияга қарши судга даъво аризаси киритади.

General Motors эса Lotin NCAP расмий тартибга солувчи орган эмаслигини таъкидлаб, сотилган Оних моделлари ўша пайтдаги миллий хавфсизлик қоидаларига мос келишини иддао қиляпти.

Бундан ташқари, Бразилиядаги бошқа машҳур моделлар: Renault Sandero, Renault Logan, Hyundai HB20, Citroen C3, Citroen C3 Aircross, Ford Ka va Fiat Argo'лар ҳам хавфсизлик тестида паст рейтинг олган. 

Эътиборли жиҳати, хавфсизликка боғлиқ эътироз пайдо бўлиши билан Chevrolet дарҳол маҳаллий бозор учун ишлаб чиқарилаётган машиналарга ҳам экспорт учун чиқарилган автомобилларда бўлгани каби, қўшимча ён ҳимоя хавфсизлик тизимини қўшган.