«Ҳурматсизлик қиляпсиз». Трамп ва Зеленский Оқ уйда гап талашиб қолди

Зеленский Украинага хавфсизлик кафолатлари кераклиги ва Киевни музокаралар жараёнига фаол киритиш зарурлиги ҳақида гапирганидан кейин Трамп уни танқид қилишни бошлади.

Фото: Reuters

АҚШ президенти Доналд Трамп Оқ уйдаги учрашувда Украина президенти Володимир Зеленскийни танқид қилди.

«Сиз бизнинг мамлакатимизга ҳурматсизлик қиляпсиз», — деди Трамп Зеленскийга. АҚШ президентининг сўзларига кўра, Зеленскийнинг «Америка нимани ҳис қилишини ўргатишга» ҳаққи йўқ. «Сиз уруш бошидан бери ноқулай шароитдасиз», — дейди АҚШ президенти.

«Сиз миннатдор бўлишингиз керак. Одамлар ўляпти, сизларда ҳарбийлар етишмаяпти. Сиз бизга ўт очиш тўхтатилишини хоҳлайман ёки хоҳламайман дея олмайсиз», — дея таъкидлади Трамп.

«РБК-Украина»нинг ёзишича, Зеленский Украинага хавфсизлик кафолатлари кераклиги ва Киевни музокаралар жараёнига фаол киритиш зарурлиги ҳақида гапирганидан кейин Трамп уни танқид қилишни бошлаган.

Трамп Зеленский билан баҳсни вице-президент Жей Ди Вэнс Украина президенти Овал кабинетда ОАВ вакиллари қаршисида Америка етакчиси билан гап талашаётганини айтганидан кейин бошлади.

Учрашув давомида Зеленский Украинага «шунчаки ўт очишнинг тўхтатилиши керак эмаслигини», Россия бундай келишувни олдин ҳам бузганини маълум қилди.

«Бизга шунчаки ўт очишнинг тўхтатилиши керак эмас. Биз бундай қилиб кўрганмиз, Путин уни 25 марта бузган», — дейди Зеленский. Бунга жавобан Доналд Трамп томонлар тинчлик сулҳини тузса, уруш тугашини айтди: «Россия урушга қайтишни хоҳламайди, ҳеч ким хоҳламайди».

Жонли эфир: