«Пиёдани уриб, қочиб кетган» — Наманганда қора Gentraʼларга текширув бошланди

11 феврал куни Наманган шаҳрида давлат рақамисиз бўлган қора Gentra русумли автомобил пиёдани уриб қочиб кетган. ЙҲХХ матбуот хизматининг Kun.uzʼга маълум қилишича, натижада пиёда вафот этган, айни пайтда қидирув ишлари олиб борилмоқда.

Ижтимоий тармоқларда Наманган вилоятида «барча қора Gentraʼлар жарима майдонига олиб кирилмоқда», деган сарлавҳа билан видеолар тарқалди. Шунингдек, хабарларда Андижон ва Фарғона вилоятларидан Наманганга борган қора Gentraʼлар ҳам ушланиб, текшириш учун жарима майдонига олиб кирилмоқда экан.

Видеода юзлаб қора машиналар тўпланиб турганини кўриш мумкин.

ЙҲХХ матбуот хизматининг Kun.uzʼга маълум қилишича, ҳақиқатан ҳам 11 феврал куни Наманган шаҳрида давлат рақамисиз бўлган қора Gentra русумли автомобил пиёдани уриб қочиб кетган. Натижада пиёда вафот этган. Айни пайтда Gentra ва унинг ҳайдовчисини қидирув ишлари борилмоқда.

#Наманган #пиёда #автомобил