Яккасаройда янги қурилаётган бинода ёнғин юз берди

ФВБга кўра ёнғин оқибатида ҳалок бўлган ва жабрланганлар йўқ. Ҳозирда ёнғин сабаби ва келтирилган моддий зарар аниқланмоқда.

Фото: ФВВ

Тошкент шаҳар Фавқулодда вазиятлар бошқармаси Яккасарой туманида янги қурилаётган бинода содир бўлган ёнғин тўғрисида маълумот берди.

Қайд этилишича, 11 феврал куни соат 15:20 да Яккасарой тумани Кичик ҳалқа йўли кўчасида жойлашган янги қурилаётган бино ертўласида ёнғин содир бўлаётгани тўғрисида пойтахт ФВБга хабар тушган.

Шунга кўра, ёнғин-қутқарув техникалари айтилган манзилга соат 15:28 да етиб бориб, ёнғин соат 15:45 да қуршаб олинган ва 16:05 да ўчирилган.

«Ёнғин оқибатида ҳалок бўлган ва жабрланганлар йўқ. Ҳозирда ёнғин сабаби ва келтирилган моддий зарар аниқланмоқда», — дейилади хабарда.

Аввалроқ Тошкентда тикувчилик корхонаси омборида ёнғин чиққани, Тошкентда кўп қаватли уйларнинг бирида ёнғин содир бўлгани тўғрисида хабар берилганди.

#ёнғин #Яккасарой