Тошкентда янги туғилган чақалоқ кўчага ташлаб кетилди

Шифокорлар чақалоқни кўрикдан ўтказиб, унинг туғилганига бир соат бўлганини айтишган.

Тошкент шаҳрида янги туғилган чақалоқ кўчага ташлаб кетилди. Бу ҳақда ИИВ Жамоат хавфсизлиги департаменти хабар бермоқда.

View this post on Instagram

A post shared by Kun.uz (@kun.uz)

Маълум қилинишича, 2024 йил 15 январ куни тонгги соат 7:30 ларда кўча четида турган сумка Янгиҳаёт тумани Зарбдор маҳалласида яшовчи фуқаронинг диққатини тортган.

Дастлаб сумка ҳаракатлана бошлаган. Сўнг унинг ичидан боланинг йиғиси эшитилган. Фуқаро бориб сумкага қараганда унинг ичида чақалоқ борлигини кўрган.

“Замон” информацион дастурида берилган лавҳада айтилишича, фуқаро дарҳол 102 рақамига қўнғироқ қилган. Воқеа жойига етиб борган ходимлар чақалоқни текшириб кўрган ва шифохонага олиб борган. Унга зарур тиббий ёрдам кўрсатилган.

Тез тиббий ёрдам шифокорининг айтишича, чақалоқнинг туғилганига тахминан бир соат бўлган. Унинг киндиги ҳам ноодатий усулда кесилган. Ҳозирда чақалоқнинг ҳолати барқарор.

Қайд этилишича, мазкур ҳолат юзасидан Янгиҳаёт тумани ИИО ФМБ томонидан терговга қадар текширув ҳаракатлари олиб борилмоқда.

#чақалоқ #Янгиҳаёт тумани