Ўзбекистонда уч ойда энг кўп сотилган маҳсулотлар маълум қилинди

Рўйхатнинг бошида метан газ қайд этилган бўлса, қуйи поғоналарда шакар ва пропан газ жой олган.

Фото: Kun.uz

Солиқ қўмитаси 2024 йилнинг I чорагида энг кўп сотилган маҳсулотлар рўйхатини эълон қилди.

Ўтказилган таҳлилларга кўра, қуйидаги маҳсулотлар энг кўп сотилган: метан газ – умумий реализация суммаси 3,4 трлн, бензин АИ-80 – 2,6 трлн сўм.

Авиачипта (халқаро) – 2,3 трлн сўм, бензин АИ-92 – 1,2 трлн сўм, 1-навли буғдой уни – 1,1 трлн сўм, уяли телефонлар – 638,3 млрд сўм, фаст-фуд – 613 млрд сўм, кунгабоқар ёғи – 543,1 млрд сўм, асосий гўштли таомлар – 470,2 млрд сўмга сотилган.

Шунингдек, пишириқлар – 427,4 млрд сўм, алкоголсиз ичимликлар – 399,4 млрд сўм, меҳмонхона хизматлари – 394,9 млрд сўм, шакар – 378,5 млрд сўм, пропан газ – 374,5 млрд сўмни ташкил этади.

#маҳсулот #солиқ