Шарл Мишел «Кўксарой» қароргоҳи Фахрий меҳмонлар хиёбонида дарахт экди

Фото: Президент матбуот хизмати

Европа кенгаши раиси Шарл Мишел Ўзбекистон президенти Шавкат Мирзиёев ҳузурида "Кўксарой" қароргоҳининг Фахрий меҳмонлар хиёбонида дарахт экди.

Президент матбуот хизмати хабарига кўра, ушбу эзгу анъана Ўзбекистон-ЕИ муносабатларини янада чуқурлаштиришга қаратилган олий даражадаги музокараларнинг натижаларини мустаҳкамлайди.

Бугун олий мартабали меҳмон Европа Иттифоқи делегациясининг Ўзбекистондаги янги офиси очилишида иштирок этиши, Самарқанд шаҳрининг тарихий-меъморий обидалари билан танишиши кўзда тутилган.