Қўшимча функционаллар
-
Тунги кўриниш
Жаҳон | 23:24 / 30.06.2022
19823
1 дақиқада ўқилади
Индонезия президенти Путинга Зеленскийнинг мактубини топширганини айтди
Жоко Видодо Москвага ташрифи олдидан Киевда Украина президенти билан учрашув ўтказганди.
Фото: kremlin.ru
Индонезия президенти Жоко Видодо Россия президенти Владимир Путинга украиналик ҳамкасби Володимир Зеленскийнинг мактубини топширганини маълум қилди.
У Москвага ташрифи олдидан Киевда Украина президенти билан учрашув ўтказганди.
"Мен президент Путинга президент Зеленскийнинг мактубини топширдим ва икки раҳбар ўртасида мулоқот ўрнатишга тайёрлигимни билдирдим", — деди Видодо.
Россия президентининг матбуот котиби Дмитрий Песков бу борада ҳеч қандай маълумотга эга эмаслигини айтди.
Киевдаги учрашувдан сўнг Видодо Зеленскийга Путинга мактуб йўллашни таклиф қилганини айтганди.
