Собиқ полициячи Нью-Йорк мэри сайловларида ғалаба қозонди

АҚШнинг Нью-Йорк шаҳри полициясининг собиқ ходими, АҚШ Демократик партияси аъзоси Эрик Адамс Нью-Йоркнинг янги мэри бўлади.

Фото: Reuters

Адамс АҚШнинг энг йирик шаҳри мэри лавозими учун 2 ноябрда ўтган сайловларда 66 фоиз овоз тўплаган. Унинг Республикачилар партиясидан рақиби Кертис Сливага 28 фоиз сайловчилар овоз берган.

Афроамерикалик Адамс янги лавозимдаги ишини 2022 йил 1 январдан бошлайди. Шаҳарнинг амалдаги мэри Билл де Блазио 8 йиллик фаолиятидан кейин ушбу лавозимдан кетади.

“Биз Нью-Йорк мэри лавозимига сайловларда ғалаба қозондик! Бу менинг орзум эди ва ҳаммамиз севадиган шаҳарни янги мэр сифатида билдиришимдан жуда ҳам фахрланаман”, деб ёзган Адамс Twitter’да.

Эътиборлиси, Адамс Нью-Йорк мэри лавозимини эгаллайдиган иккинчи қора танли бўлади. Унгача бу лавозимни эгаллаган биринчи қора танли Дэвид Динкинс бўлган ва у шаҳарга 1990-1993 йиллар давомида раҳбарлик қилган.

Экспертларнинг таъкидлашича, Адамс Нью-Йорк раҳбари лавозимини шаҳар учун энг яхши бўлмаган даврда эгалламоқда. Мисол учун, у коронавирус пандемиясидан кейин шаҳарни тиклашига, тенгсизлик, арзон уй-жой тақчиллиги, давлат мактаблари муаммолари билан курашишига тўғри келади.

Адамс 2007 йилдан 2013 йилгача Нью-Йорк штатидан сенатор бўлган. Бунгача у 22 йил давомида Нью-Йорк полициясида ишлаган ва капитан унвонигача кўтарилган.

#Нью-Йорк #Эрик Адамс