Қўшимча функционаллар
-
Тунги кўриниш
«Сўз эркинлиги сўз ўйинига айлантириб юбориляпти» – сенатор ОАВ ҳақида
Фото: Getty Images
Бугун, 14 сентябр куни, Олий Мажлис Сенати биносида сенаторлар ва Қонунчилик палатаси кенгаши вакиллари иштирокида қўшма мажлис бўлиб ўтди. Кун тартибида бир қатор масалалар, жумладан, ахборот ва оммавий коммуникациялар янада ривожлантириш мавзусида ўзаро муҳокама ташкил этилди.
Сенатнинг Хотин-қизлар ва гендер тенглик масалалари қўмитаси раиси ўринбосари Муҳаммаджон Маҳмудов Олий Мажлис ҳузурида Ахборот соҳасини ва оммавий коммуникацияларни ривожлантириш масалалари бўйича жамоатчилик кенгашининг аҳамияти ва ОАВ фаолиятидаги қатор муаммоларни санаб ўтди.
“Парламент ҳузуридаги жамоатчилик кенгашини ташкил қилиш жуда тўғри қарор, деб ўйлайман. Айрим журналистлар сўз эркинлигини сўз ўйинига айлантириб юбораётганлиги ачинарли ҳолатдир. Тарқатилаётган хабарларнинг мазмуни давлат органлари ходимларининг шахсиятига кўпроқ урғу берилишига олиб келмоқда. Жамоатчилик кенгаши уларнинг тўғри ва ҳаққоний фаолият олиб боришига ёрдам бериши керак. Журналистлар ахборот олиш, тўплаш ва тарқатишда етарли билимга эга эмас. ОАВ ходимлари бу соҳадаги қонунчиликни билишлари жуда муҳим”.
Сенаторнинг қўшимча қилишича, ОАВнинг холис ахборот тарқатишини таъминлаш керак. Бунда журналистларни жамоатчилик билан ишлаши бўйича ўқитиш лозим.
Мавзуга оид
11:22 / 27.02.2025
Ўзбекистонда ҳар 100 минг аҳолига қарийб 200 тадан содир этилган жиноятлар тўғри келди
12:15 / 22.02.2025
Ўзбекистон Орхус конвенциясига қўшилмоқда
20:46 / 21.02.2025
Акциядорлик жамияти ходимларига акция сотиб олиш учун имтиёзли ҳуқуқ берилади
23:15 / 20.02.2025