Мирзо Улуғбек туманига янги ҳоким тайинланди

Фото: Тошкент шаҳар ҳокимлиги

Учтепа тумани ҳокими Шавкатбек Турдиевич Иргашев бугун, 18 апрель куни пойтахнинг бошқа бир тумани - Мирзо Улуғбек тумани ҳокими лавозимига тайинланди. Бу ҳақда Тошкент шаҳар ҳокимлиги ахборот хизмати хабар берди.

У янги лавозимда бироз аввалроқ Ўзбекистон фермер, деҳқон хўжаликлари ва томорқа ер эгалари кенгашининг раиси лавозимига ўтказилган Актам Ҳайитов ўрнига Бандлик ва меҳнат муносабатлари вазири лавозимига тайинланган Шерзод Кудбиев ўрнини эгаллади.

Маълумот учун, Шавкатбек Иргашев (1964 йилда туғилган) — Тошкент автомобиль йўллари институти (1981) ва Ўзбекистон Президенти ҳузуридаги Давлат ва жамият қурилиши академияси (2000) битирувчиси.

У 2017 йилнинг апрелидан буён Учтепа тумани маъмуриятини бошқариб келаётганди, ундан аввалроқ Мирзо Улуғбек тумани ҳокими (2005−2013), унгача эса Олмазор тумани ҳокимининг биринчи ўринбосари (2002−2005) бўлган.

#Мирзо Улуғбек тумани #Шавкатбек Иргашев