АҚШда “совуқ уруш” давридаги “биринчи жосус” вафот этди

Совуқ уруш даври разведкачиси, Германия демократик республикасида собиқ иттифоқ фуқаролари ва қўшинлари ортидан айғоқчилик қилган Ирвинг Айзексон 102 ёшида вафот этди. Бу ҳақда Portland Press Herald нашри хабар бермоқда.

Маълум қилинишича, Айзексон Оберн шаҳридаги хосписда ҳаётдан кўз юмган.

Америкалик собиқ жосус истеъфога чиққандан кейин “Ҳаваскор жосус ёдномалари” номли китобини нашр эттирган. У китобда ўзини совуқ уруш вақтининг биринчи жосуси, деб таърифлаган.

Айзексон 1915 йилда туғилган. Таъкидланишича, у Иккинчи жаҳон уруши вақтида Буюк Британияга жўнатилган ва у ерда Стратегик хизматлар бошқармасида ишлаган. Айнан шу идора негизида кейинчалик Марказий разведка бошқармаси ташкил этилган. Урушдан кейин эса фаолиятини Германияда давом эттирган.

Айзексон АҚШга қайтгач, ўз отасининг фирмасида ҳуқуқшунос бўлиб ишлаган.