ЖАР‘да одамлар кобра чақиб олган сигирнинг гўштини еб заҳарландилар

Фото: Layer, W./ТАСС

Жанубий Африка Республикасидаги Мпоза қишлоғининг 60 нафар вакили, жумладан 16 нафар бола ва 4 нафар қария илон заҳри билан заҳарланган сигирнинг гўштини еб шифохонага тушиб қолдилар. Жабрланганларда қаттиқ бош оғриши ва кўнгил айниш кузатилган. Шифокорлар уларга кучли заҳарланиш ташхисини қўйганлар, деб хабар бермоқда Daily Star нашри.

Қишлоқ аҳолиси кобра чақиб олган сигирни кўчада топиб олиб, уни овқатга ишлатишга қарор қилган. Маҳаллий ҳокимият қишлоқ аҳлини кўчадан топиб олинган гўштни овқатга ишлатмасликка чақирди.

Айни вақтда жабрланганлар қандай аҳволдалиги номаълум, бироқ хабар қилинишича, улардан баъзилари маҳаллий касалхонадан яқин орадаги шаҳар шифохонасига кўчирилганлар.

#ЖАР #кобра #заҳарланган гўшт