«Челси» Жиру трансферини эълон қилди

Оливье Жиру «Арсенал»дан «Челси»га ўтди.

«Челси» ушбу трансфер учун «Арсенал»га 15,3 млн фунт тўлаган. Яна 2,2 млн фунт бонус сифатида берилиши мумкин.

31 ёшли футболчи билан 1,5 йиллик шартнома тузилган, шартнома яна бир йилга узайтилиши мумкин. Жиру «Челси»да 18 рақамида тўп суради.

Жорий мавсумда Жиру премьер-лиганинг 16 учрашувида майдонга тушган ва 4 гол урган.

«Арсенал» «Боруссия»дан Пьер-Эмерик Обамеянгни харид қилгани туфайли у «Челси»га йўл олди.

2012 йилдан буён «Арсенал» сафида тўп суриб келган Жиру «канонирлар» учун 253 учрашув ўтказган ва 105 гол урганди.